a nostra storia

CSTosetto xe l’anima de i do fondatori che xe diventà realtà pa dar un servisio completo a tuti i so clienti.

Nasesta da na partia IVA individuae da el 1997 en el 2000 e  a xe cresua e s xe diventà Centro Servizi e a ga amplià e oferte e a ga orientà el so sviupo ne i aspeti tecnici e nee proposte creative pa dar sodisfasion ae domande de i so clienti.

A ga mantegnuo e do linee de sviupo inisiai che e xe a Metalmecanica e a Promosion Aziendae. Punto prinsipae de el so sviupo, xe stà el vardar de crear na azienda che no fose soeo de riferimento pa i schei ma anca un riferimento de riserca de cresita, de sousion operativa e logistica, de realixasion tecnica.

Co el pasar de i ani se ga afinà na atmosfera de coeaborasion ativa ne i fati e nei raporti che ghe xe co clienti e fornitori, scambiandose anca de ruoeo quando xe posibie.

Semo stai presenti, come sostegno fondamentae, en pì de ne volta pa trovar na sousion nee sfide progetuai e costrutive e semo diventà, podemo anca dir , un uficio aquisti esterno pa chi che lavora co noaltri.

Co l’arivo dee nove generasion, contà dea esperiensa che xe sta pasà daa nostra azienda, se xe poduo xontar ai servisi che ofrimo metendo dentro anca elementi de marketing, merchandaising e tute e robe nove.

Come se no bastase se ga portà vanti anca a riserca de competensa in tel setor dea Protesion Individuae e de el Suporto Tecnoogico.

Conosui pa i tanti ani pasai laorando en el nostro setor, pa a diversificasion e pa el tegnerse sempre a passo co i tempi, oncò CSTosetto ga tra i so obietivi, a voontà de crear un servisio de empatia e coeaborasion con tuti quei che i lavora co noaltri,  cussì da far sempre mejo nee modaità de scambio e di raporti fra de noaltri.

Aa fine podaresimo ciamarla en poche paroe: “Empatia en el Sviupo”.

Ne piaxe contarve de noaltri, en el nostro modo de far s-ceto e completo, pa farse conosare a tuti quei che ncora no i sa chi che semo.